დღეს მთელი საქართველო მწუხარებით აღნიშნავს 25 თებერვალს. დღე, რომელიც საქართველოს ისტორიაში შევიდა, როგორც გასაბჭოების დღე. წითელმა არმიამ დაიპყრო საქართველო და ამ ბრძოლაში დაიღუპა არაერთი ქართველი.
ამ თარიღის აღსანიშნავად ქალაქ ბათუმის მუნიციპალიტეტის მერია, ადგილობრივი მთავრობა, ბათუმის კულტურის ცენტრის ხელმძღვანელობა და საზოგადოების ნაწილი შეიკრიბა გიორგი მაზნიაშვილის თანამებრძოლთა საფლავთან.
კულტურის ცენტრის ვაჟთა ვოკალურმა ანსამბლმა შეასრულა საგალობლები. დამსწრე საზოგადოებამ თაიგულებით შეამკო მიცვალებულთა საფლავები.