ბათუმის სახელმწიფო მუსიკალური ცენტრის „არტ–კაფეში“ – „სტუმრად ვახტანგ ღლონტთან“ ყოველთვის საინტერესო ადამიანებს იწვევენ. ისინი, როგორც წესი ცნობილი სახეებია, მდიდარი შემოქმედებითი ბიოგრაფიით და გამორჩეული პიროვნული თვისებებით.
25 იანვარს სალონურ საღამოზე სტუმრად მიიწვიეს „ბათუმის კულტურის ცენტრის“ საზოგადოებასთან და მასმედიასთან ურთიერთობის სპეციალისტი, ცნობილი და პოპულარული სატელევიზიო გადაცემის „ეთნოფორი“ პროდუსერი და წამყვანი მიხეილ გაბაიძე. შეხვედრამ დამსწრე საზოგადოების ცხოველი ინტერესი გამოიწვია.