ნანუკა გიორგობიანი ბათუმელთათვის უკვე ცნობილი სახეა. 16 წლის გოგონამ თავი გაითქვა არაჩვეულებრივი ხმის ტემბრით, შესრულების მანერით, სცენური კულტურით. სწორედ ამ თვისებების გამო იგი მიიწვიეს ევროვიზიის 2017 წლის შესარჩევ ტურზე ქ.თბილისში. ასეთ პრესტიჟულ ღონისძიებებში მონაწილეობის მიღება ახალგაზრდა მომღერლისთვის დიდი პატივია. აღნიშნულთან დაკავშირებით 17 იანვარს კულტურის ცენტრის ხელმძღვანელობამ გზა დაულოცა, წარმატება უსურვა ნანუკა გიორგობიანს და ჯგუფ „ჯეო–პლანეტის“ ხელმძღვანელს ედიშერ ლომაძეს, რომელის სიმღერით იგი წარსდგება პრესტიჟული ჟიურის წინაშე.